Sunday 23 December 2012

وعود يعيش ويموت عليها الفقراء في بلادي

إلى السيدة الفاضلة الغلبانة الغير متعلمة اللي قابلتها أمام إحدى لجان انتخاب مجلس الشعب في 2005. 
وسألتني هو أنتي تبع (فلان) - الاخوان - اللي هايدخلنا المجاري شارعنا؟ 
للحقائق: اللي نجح في الانتخابات دي هو د. عبد الأحد جمال الدين -زعيم الأغلبية عن الحزب الوطني في مجلس الشعب لاحقاً -  
المهم الأخوان دلوقتي مسكوا البلد والمدينة والمركز والدستور معاهم .. 
أحب أقول للسيدة الفاضلة: المجاري دخلت شارعكم ولا لسه؟! 
يا ترى نزلتي قولتي نعم للدستور لنفس الهدف .. 
يا سيدتي الفاضلة دخول المجاري لشارعكم دا المفروض ملوش علاقة بأشخاص المفروض انه وااااجب الحكومة .. 
أرجوكي طمنيني أمتى ها يبدأ الشغل في االمجاري - البنية الأساسية التحتية النظيفة للبلد كثمن لاستخدامك في كل معارك الاخوان الصندوقية. 
تحياتي

الصورة من الانترنت ولا علاقة لها بالشخصية محور الكلام

Thursday 13 December 2012

Egypt Constitution - 3


If the results are YES or NO, the country will stay in a mess as it is for a while and not because of the constitution, but because of the non-revolutionary government that controls it.
However, I still see that there is confusion and ambiguity around vital parts of the constitution which convince me to refuse it as it is.

Egypt Constitution - 2

The following was part of my conversation with a friend about the constitution and recent Egyptian political debats. (in Arabic)

أنا عندي آمال طويلة عريضة كبيرة للبلد خصوصاً بعد ما قامت ثورة .. هو صحيح ان احنا كنا بعيد بأجسادنا عنها بس روحنا كلها كانت لحظة بلحظة مع أهلنا وجيراننا.
آمالي للبلد ان ميبقاش فيها الاختلاف دا ويكون في أساسيات للحوار والتفاهم والمعايير تبقى واحدة وماشوفش شبهة اهمال او تغاضي او تحالف سياسي او عسكري من لجنة اعداد الدستور وأكيد مش هاقول خيانة لأننا بشر والخطأ والنسيان من طبائعنا. وعلى فكرة أنا باحترم لجنة اعداد الدستور وضد التفنيط والشخصنة والتقليل من قيمة ناس قياداتهم شايفاهم قادرين على لآداء المهمة دي.

بالنسبة لمواد الدستور
- المادة الخاصة بالحبس: بتدي الحق (الدستوري) ان زوجك أو ابنك أو انتي نفسك يتم القبض عليه ويقعد 12 ساعة من غير ما هو نفسه يعرف ايه السبب ومن غير ما يقدر يبلغ أهله في خلال المدة دي هو فين .. يعني زوجك يختفي لمدة 12 ساعة وانتي ما تعرفيش عنه حاجة ولا مخلوق يعرف وممكن يسيبوه بعد 12 ساعة للخطأ
كمان مكان الحبس دا في الدستور ممكن يكون في اي مكان يعني في مقر امن الدولة في فيلا في الصحراء في سجن تحت الأرض لأنه تم تغيير جملة انه يكون في سجون تابعة للاشراف إلى جملة مكان ملائم !!
كمان الحرامي والمجرم ليه حقوق المحاكمة والحفاظ على حياته في عملية القبض عليه وليه الحق يعرف اهله أن ابنهم المجرم محبوس في المكان الفلاني للسبب الفلاني.
أنا مابتكلمش على التفسير الواضح المباشر للمادة .. أنا باتكلم عن ثغرة وضعت سهواً أو تم وضعها بالقصد لمحاباة الداخلية اللي الحكومة مش قادرة تضمن ولاؤهم وفي نفس الوقت بتحفظ بيه الحق بالدخول في دائرة تعذيب المحبوسين لأي سبب.
دا سبب يخليني شخصياً أطلب إعادة النظر في مواد الدستور والطريقة الوحيدة هي "لأ"

- تعريب العلوم : دي ملاحظة في حد ذاتها مش اعتراض زي غيرها. طيب وبالنسبة لنقيب المهندسين ونقيب مهندسي البرمجيات؟ دي بردوا تندرج تحت بند العلوم.
أنا شايفة أنها ممكن تكون في قانون وينظمها ولكن مش مادة في الدستور. ولكني لن أرفض الدستور لمجرد الرغبة في تعريب العلوم.

- حقوق العمال والموظفين اللي احنا نعتبر منهم: الدستور بصورته الحالية بيربط الأجر بالانتاج مش بالاسعار ولا بالدخل القومي يعني الناس هاتفضل زي ما هي بتعاني لأن الاسعار بتغلى ومرتباتنا زي ما هي. وغير كدا كل ما يزيد الموظف عشرة جنيه تزيد الاسعار قدهم مرتين تلاتة. كمان يعني لما صاحب المصنع يحط خطة انتاج ومايقدرش يحققها يقوم يدي العامل عنده مرتب أقل علشان مكانش في ارباح من الانتاج السنادي. وهكذا .. الثورة لما قامت طلبت 3 حاجات : عيش حرية عدالة اجتماعية!
حاجة كمان: مطلب صغير كدا كان وضع حد أدني وحد أقصى للأجور علشان مش واحد يقبض 150 جنيه وواحد يقبض 450 الف في الشهر مثلاً. الدستور بصورته الحالية نص على وجود حد أدنى ولم ينص على وجود حد أقصى تاااااااني علشان يبقى نص الشعب بياخد الحد الأدني وفي ناس بردوا لسه بتاخد بلا حد أقصى .. دا بينافي مبدأ العدالة الاجتماعية يا غادة. هيفضل في ناس معاها بكالوريوسات ومؤهلات عليا وبيلموا الزبالة من الشارع علشان يعيشوا. هنفضل الموظف يشتغل شغلنتين وتلاتة علشان يخلي عياله ميحسوش انهم أقل من ولاد الجيران اللي ابوهم من أصحاب المرتبات اللي بلا حد أقصى.

مادة كمان مش شايفالها معنى بوجودها في دستور مصر وهي مادة تجريم التعدي على الرسل والانبياء. أعتقد ان كان المقصود بيها تجريم التعدي على الرسل من الدول التانية علشان مفيش مصريين بيتعدوا على الرسل.ولا اعتقد ان عددهم ان وجدوا يستاهل يتعملهم مادة متفصلة في الدستور.

كمان الصفقة بين الحكومة والجيش واضحة جدا في عدم مناقشة ميزانية الجيش في مجلس الشعب وكمان في مجلس الامن القومي بتعرض عليه ميزانية الجيش بس مش من حقة يناقشها دا بس بيمضي عليها. دا غير المادة اللي بتتيح محاكمة المدنيين امام القضاء العسكري اذا تورطوا في جريمة لها علاقة بالمؤسسة العسكرية او منشأتها. ودا جديد تماماً يعني سيتم محاكمة مدنيين محاكمات عسكرية بلا نقض ولا أي حقوق مدنية.

أقولك كمان: دلوقتي بقا ممكن يتم حل نقابة الصيادلة لو الحكومة عايزة كدا. مش حل مجلس ادارتها بس زي ما كان الحال في الدستور السابق. يعني ممكن تصحي الصبح ماتلقيش نقابة ولا مستحقات ولاحقوق.

كمان انا معترضة على ان يبقى في مادة خاصة مهنة المحاماة في الدستور. دا بيهدر مبدأ تكافؤ الفرص والمحامين حقوقهم محفوظة بقوانين هما يعرفوا فيها اكتر مننا بس لأن محامين معينين ليهم سلطة تمرير في اللجنة تم تمريره كمادة في الدستور.

الدستور المفروض انه يحط الاطار العام للحريات والحقوق والفصل بين السلطات مش يعتدي عليها.

مبدأياً مصر وضعها مختلف .. ما تجيش تنقلي من دستور دولة أوروبية أو أمريكا وتقولي متفق .. انت عارف أن الدول دي عندها مصروف بطالة ومفيهاش حد بيموت من الجوع ولا بينام جعان أو عطشان. أتمنى نوصل بمصر لمرحلة زي دي.

الدستور مش قرآن دا صحيح وممكن يتغير .. طيب ما نغيره حالاً طالما شايفين في مشكلة .. مش معقول الناس اللي بتقول لأ دي معندهاش مبررات قوية وأسباب جديرة بإن الحكومة تسمعها وان كانت مرضيتش تسمعها قبل ما الرئيس يعلن الدعوة للاستفتاء يبقى من حق المعترضين يسجلوا اعتراضهم بالطريقة الديموقراطية بردوا.

البورصة أحد أجهزة ومؤشرات الاقتصاد المصري ولكنها مش الوحيدة .. وبعدين لسه هايتفرض ضرايب كجزء من الاتفاق مع صندوق النقد الدولي علشان القرض .. البلد اقتصادها غير مستقر والحوار والتفاهم بين الاطراف كلها هو اللي هايجيب استقرار مش البورصة ولا الاستفتاء. اللي بيجيب تقلب للبورصة هو لما واحد يتقتل في البلد علشان خارج يعبر عن رأيه، ولما الحكومة تكون مش قادرة تحتوي المعارضة ولاتسمع غير لنفسها.

للأسف في ناس بتضلل الرأي العام ونفس الكلام بيتقال دلوقتي (قالت الصناديق للدين نعم!)

عدم وجود مجلس شعب مش غلطة الشعب المصري. الناس خرجت وانتخبت علشان الحكومة كانت عايزة انتخابات في الوقت دا بالشكل دا.

في أمريكا في حزبين كبار واحد بيمسك الحكم والتاني بيعارضه على طول الخط ومحدش قتل ولا ضرب .. ودستور أمريكا ما بيقولش انه بيمنع حد من ممارسة شعائر دينه في أمريكا حتى لو كان غير مؤمن بأي شئ. دستورنا مختلف وشعبنا مختلف.
ولو عايزة دستور زي بتاع امريكا خلينا نلغي المواد اللي بتقيد حرية انشاء الصحف والقنوات اللي كانت عن طريق الاخطار واصبحت لازمها موافقة قانونية. الصحافة بكل أنواعها تعتبر السلطة الرابعة في البلاد بعد السلطة التشريعية (مجلسي الشعب والشورى) والسلطة التنفيذية (الحكومة) والسلطة القضائية. يعني ماينفعش واحدة تطغى على التانية.

المهم.

اللي فوق دا كله رأيي الشخصي في بعض مواد الدستور الكارثية واللي لابد من دراستها بشكل جدي ومش مجرد ترضية المعارضة.
مفاتيح وقف الخلافات والصراع الدائر حالياً إلى الأبد موجودة مع الحكومة ومن يشيرون عليها التصرف فقط.

Egypt Constitution - 1



بناءاً على الدعوات الملّحة من عباد الرحمن .. بسم الله نبدأ قراءة دستور البلاد .. والله من وراء القصد !
 
قواعد عامة:قاعدة 1 - ما يلي من آراء هي آراء شخصية لقراءتي الخاصة في دستور البلاد.
قاعدة 2 - الحق مكفول للجميع ولي أيضاً في توضيح أسباب الرفض وربما أسباب الموافقة على بعض المواد المثيرة للقيل والقال.
قاعدة 3 - أرى أننا لم نصل لمرحلة الاستقرار بعد وأنها مرحلة صعبة ومتشابكة أطرافها ومعقدة معالمها ولا أدعي تكامل رؤيتي للوضع.
دوري هو المحاولة مهما كانت النتائج القريبة والبعيدة.
 
الباب الأول - الفصل الأول : المبادئ السياسية -- لا اعترض
الباب الأول - الفصل الثاني : المبادئ الاجتماعية والاخلاقية --
لفت انتباهي مادة 12 جملة : تعمل (الدولة) على تعريب التعليم والعلوم والمعارف! مش فاهماها يعني هو التعليم بتاعنا أجنبي وهانعربه ولا هانعرب كل أنواع التعليم الخاص والتجريبي والاجنبي في مصر ولا تعريب الكتب والمعارف الحديثة محتاجة مادة في الدستور ؟؟ حقيقي مش فاهمة
 
الباب الأول - الفصل الثالث : المبادئ الاقتصادية --
المادة 14 : طيب (حد أدني للأجور والمعاشات) ومفهومة و(حد أقصى في أجهزة الدولة) كمان مفهومة بس ليه (لا يستثنى منه إلا بناءاً على قانون) زي مين يعني؟
المادة 22 : ما هو تعريف المجتمع الذي يجب عليه حماية الأموال العامة مع الدولة؟ ممكن في القانون. بس رأيي الشخصي أن حماية الأموال العامة هو واجب وطني على الدولة فقط وجزء هام من مسئولياتها تجاه المجتمع.
 
الباب الثاني - الفصل الاول : الحقوق الشخصية -- أعترض
المادة 32 : (الجنسية المصرية حق وينظمه القانون) بس كدا؟؟ يعني ممكن نعمل قانون السنادي يخلي الجنسية المصرية حق للهنود وبعدين السنة اللي بعدها نخليها حق لأشخاص معينة بالاسم .. المصري من كان أبواه مصريين وتكتسب الجنسية المصرية طبقاً للأحوال التي ينظمها القانون .. المادة دي كانت محتاجة شوية تحديد لأنها مهمة جداً في الحفاظ على الشخصية المصرية وإعطاء...
الجنسية المصرية مكانتها وتقديرها بعيداً عن التعصب والعنصرية.
المادة 35 : الخاصة بإبلاغ المقبوض عليه خلال 12 ساعة بسبب القبض عليه وتقديمه للتحقيق خلال 24 ساعة. أعتقد أن الابلاغ عن سبب القبض عليه يجب ان يتم لحظة القاء القبض عليه وليس بعدها بنصف يوم يتم خلالها تحضير التهم ويفتح الباب مرة عاشرة أمام الشرطة للقبض على المواطنين بدعاوى كالتحري وعايزينك تشرف عندنا شوية .. أعترض.
المواد 36 و 37 الخاصة بأماكن حبس لائقة لمن يقبض عليه وأن الدولة مسئولة عن تأهيل المحكوم عليهم وتيسيير سبل الحياة الكريمة لهم بعد الافراج عنهم -- أتفق وأحيي.
المادة 38: حرية المراسلات . أتفق.
المادة 41 : تحظر التجارة بالأعضاء البشرية. وماذا عن التبرع بكلية أو جزء من الكبد أو قرنية بعد الموت أو جلد لمن تحرق لحرق بالغ؟ مادة هامة جداً لم تعطى أهمية كافية في العرض.
 
الباب الثاني - الفصل الثاني : الحقوق المعنوية والسياسية --
المادة 44 : هل هذه المادة موجهة لنا نحن المصريين؟ هل قام المصريون في أي وقت مضى أو حضر بالاساءة أو التعريض بالرسل والأنبياء؟ أعتقد أنها مادة موجهة لأمريكا والدنمارك ويمكن ايران بس للمصريين لا أعتقد .. مع اتفاقي الكامل مع المبدأ بس احنا في مصر ودا دستور مصر ومش معنى اني عايز الناس الغير مصريين يحترموا الرسل أني أحطها مادة في دستور مصر!!!!!!
 
الباب الثاني - الفصل الثالث : الحقوق الاقتصادية والاجتماعية --
المادة 61 : عشر سنوات للقضاء على الأمية ؟؟ طيب هو احنا كنا بنعمل ايه من أوائل التسعينات حتى اللحظة غير فصول محو الأمية وتعليم الكبار؟ كنت أنتظر مواداً عن محو الأمية التكنولوجية أو التسرب من التعليم!
المادة 67 : ذكرت المادة أن من الحقوق المكفولة المسكن الملائم والماء النظيف والغذاء الصحي. بس نسيت تذكر لمين!
ثم أن الدولة تتبنى خطة وطنية للاسكان ولم تذكر شيئاً عن توفير الماء النظيف مثلاً.
 
الباب الثاني - الفصل الرابع : ضمانات حماية الحقوق والحريات -- لا أعترض
 
الباب الثالث - الفصل الأول : السلطة التشريعية --
المادة 117 : خللي بالك معايا (يجب أن تشمل الموازنة العامة للدولة كافة إيراداتها ومصروفاتها دون استثناء، ويعرض مشروعها على مجلس النواب ...).
 
===========================================
 
بعد أن كنت قد بدأت في إبداء الرأي في بعض مواد الدستور المعروض للاستفتاء خلال أيام وجدت العديد من المواد المبهمة والكثير من المواد التي تعبر عن فئات معينة في الشعب
بصراحة أحسست أن من شارك في تأسيسية الدستور كان يطمع في أن يستطيع تمرير جملة أو أكثر وربما مادة كاملة لصالح الفئة التي ينتمي إليها أرى أنهم نسوا أو تناسوا أنهم يضعون دستور مصر كاملة
يبدو أن مصر سقطت سهواً من مشروع دستورها !!!
 

Monday 10 December 2012

Cooking!

I love cooking and baking. I always wanted to cook. I find it relaxing and interesting activity. Besides, one can see the and taste the results of the efforts done.
Today I bought two cooking books. One for baking cakes and the other is for making bread using what is called 'bread machine'.

My new cooking books
The first magazine I bought in the UK was a food magazine. May be because I love food and like to try different dishes and recipes. May be because I like colours and arts. may be because I consider cooking is an art and whoever can cook is someone with a vision and talent. Some people consider cooking as a stress relief, other cook when they are happy, others while they are sad, angry or disappointed. Whatever the reasons, people cook!

Cooking can be learnt by different ways; you can attend a course, watch a video, buy a book, or even watching you mother preparing your favourite dish in the kitchen. There are lots of TV programmes about food and even channels for food only. However, the best way to learn how to cook in my point of view is to get involved and get your hands dirty! Practise makes perfect!

I will have a look into the books and try some of the recipes soon.

Monday 3 December 2012

First Post!

This is my first post in my new Blog. I hope I can keep writing and expressing my views here, and not be lazy in spending an hour or so on the Blog every week.